Vawiin chawhma dar 11 khan Venglai Community Hall-ah Champhai District Level Farmers Training neih a ni a, Horticulture Department Director Pu Samuel Rosanglura chu khuallian niin he hun hi a hmanpui.
Thusawiin Khuallian chuan Horticulture Department ah hian hlawhtlin tum tak taka hma latute hi kan mi pawimawh te an ni a, kan number one te an ni, a ti. Horticulture department hmalakna thenkhat sawiin Anthurium pangpar hi Holland atanga kan chawk luh a ni a, tunah chuan India rama Mizoram kan hmingthanna ber a ni ta a, Delhi khawpuiah pawh khuan Anthurium chungchang hria a, Mizoram chanchin hre leh si lo te chu mi pangngai tak an ni tawh lo hial a ni, a ti. Director chuan Mizoram Budget-a Horticulture Department in kan chan ve atanga chhut chuan Department te ber zing ami ang kan ni a, mahse Technology Mission atanga tanpuina kan dawn te kan hmang tangkai a, kan hmalakna erawh Mizo mipuite tana pawimawh leh langsar ber a ni chho mek a, tunah hian Israel thiamna hmanga Chite-a Serthlum tiak kan siamchhuahte chu Huan neitute duh khawp pawh kan la pek theih loh laiin State dang atangin min rawn dil nasa em em tawh a ni, a ti. Director chuan tunah hian Israel nena thawk dunin Multipurpose Packing Centre, Chite ah bawk kan din leh dawn a, naktuk (July 16) hian Israel mithiamte hi an rawn thleng ang a, hna an thawk tan nghal dawn a ni. Israel mite hi an taima em em a, Sana-in a thunun ve lova, khawen chhung zawng an thawk maia, an ni lo puibawmm tur a kan ruat kan nau te pawh an taima em em a,Israel mithiam ten min kalsan hnu pawha an technology lo thiam ve vek tura beisei an nih angin an thiam nghal vek zel a ni, a ti a, he Packing Centre hi a tlai berah September thla chawhma-ah hawn hman tum a ni, a ti bawk.
Pu Samuel Rosanglura chuan naktuk hian Winery-ah Grape rah her tanna hun kan hmang leh dawn a, Director ka nih chhunga hetiang hlawhtlinna ka hmu thei hi ka lawm a, ka dam chhunga ka theihnghilh tawh loh tur a ni, a ti a, Horticulture Department hi pawisa leng vak umtute chuan min kiansan ula, hlawhtlin ngei ngei tumte nen thawk hovin Mizoram siam kan turn a ni, a ti a, kan Department hmalaknaah hian Politics a leng ve lova, hlawhtlin ngei tuma hma latu apiang te tan a ni, a ti bawk.
He Training, Pu Vanlalruata Chenkual, DHO, Khawzawl kaihhruaiah hian chawhnu lamah Loneitu kalkhawmte hnenah Horticulture a mithiam ten power point hmangin training an pe a, he hunah hian Champhai District chhung Horticulture Circle hrang hranga Loneitu thlan bik te an kal tha hle.
Pu Samuel Rosanglura chuan naktuk hian Winery-ah Grape rah her tanna hun kan hmang leh dawn a, Director ka nih chhunga hetiang hlawhtlinna ka hmu thei hi ka lawm a, ka dam chhunga ka theihnghilh tawh loh tur a ni, a ti a, Horticulture Department hi pawisa leng vak umtute chuan min kiansan ula, hlawhtlin ngei ngei tumte nen thawk hovin Mizoram siam kan turn a ni, a ti a, kan Department hmalaknaah hian Politics a leng ve lova, hlawhtlin ngei tuma hma latu apiang te tan a ni, a ti bawk.
He Training, Pu Vanlalruata Chenkual, DHO, Khawzawl kaihhruaiah hian chawhnu lamah Loneitu kalkhawmte hnenah Horticulture a mithiam ten power point hmangin training an pe a, he hunah hian Champhai District chhung Horticulture Circle hrang hranga Loneitu thlan bik te an kal tha hle.
