1930/2023-2024

Champhai the 19^th September, 2023 – Nimin chawhnu kahn Champhai District Level Socio Economic Development Programme (SEDP) Committee chu an Chairman Champhai DC Pu James Lalrinchhana kaihhruaiin DC Conference Hall-ah an thukhawm. Champhai District tana Family Oriented SEDP Phase 2 Launching neih chungchang leh SEDP Phase 2 1^st instalment sem tura Line Department hrang hrang hmalakna kal mekte leh hmachhawpte an sawiho a ni.

Meeting-ah hian SEDP Line Department pariat – UD&PA, Agriculture, AH&Vety, Horticulture, Sericulture, Fisheries, Commerce & Industries leh Land Resources, Soil & Water Conservation Department hotute bakah Non official member-te leh DC Office-a a kaihhnawih official-te an tel a ni.

Champhai District SEDP Committee Chairman Pu James Lalrinchhana chuan SEDP chu sawrkar flagship program pawimawh tak anih angin Champhai District huamchhungah tha taka kalpui zel anih theihnan Line Department hotu kalkhawmte chu theihtawp chhuah chhunzawm zel turin a chah a ni.

Line Department te hian an hmalakna theuh report an pe a. Line Department tin ten SEDP Phase I an sem fel tawh thu an report a. Phase I endikna report pawh Line Department tin ten DC Office ah an thehluh fel tawh thu ngaihtlak a ni. SEDP Phase II sem chhuak tur hian Line Department tin ten a tul ang form-ah te beneficiary signature la tawh in, sum pawh an dawn tawh thu an report a ni.

Champhai District chhunga Family Oriented SEDP Phase 2 atana Line Department te beneficiary neih dan chu hetiang hi a ni:

Line Department te an inpuahchah fel tawh angin SEDP Phase 2 Launch programme hi neih thuai ni se tih Committee chuan a rel a. He Launch Programme hi Kahrawt Community Hall-ah September ni 20, 2023 chawhma dar 10:30 ah neih ni se tih rel niin, Champhai South bialtu MLA & Hon’ble Minister Pu TJ Lalnuntluanga chu khuallian tura beisei a ni.