No.3242/2019-2020

Champhai District Level Task Force on Covid-19 chu vawiin khan an hmalak zel dan tur relin Bawrhsap Pu SL Naveen,IAS hovin an thukhawm.

Meeting-ah hian Village Level Task Force, YMA, Police leh Assam Rifles lam atanga hmalakna leh hmachhawpte report-a ngaihthlak a ni a. Lockdown chhunga Village Level Task Force-te hmalak dan tur guidelines felfai tak mahni veng/khaw chhung theuha khauh taka kenkawha hman mai theih tur duan nise tih niin, guidelines hi vawiin vek khan Village Level Task Force te hnenah semchhuah nghal a ni a. Mobile Medical Quarantine Team din ni bawkin, Addl SP, SDO Sadar, Nodal Officer ISDP leh BDO Khawbung-te awmin ram pawn leh State pawn atanga lo hawte dan anga taka endika ni 14 chhung khung hrang an nih theihna tura hmala tur niin, VLTF te nen an inrawnin hma an la thin dawn a ni. Meeting-ah hian Lirthei leh Mihring dan in a phal loha veivakte khauh lehzuala khuahkhirh nise tih a ni a, Village Level Task Force te chu mipui pungkhawm lova chakkhai lak anih theihna tura ruahmanna tha tak siam tura tih an ni a. Ramri kaltlanga dan lo anga mihring leh bungraw lut tur vengtu te mamawh hrang hrang tarlante pawh a tul anga ngaihtuah sak zel nise tih a ni a. Meeting-ah hian Zokhawthara mi 25 awm theihna Quarantine Centre peihfel anih thu leh a tul ang zela Quarantine Centre thar pawh ngaihtuah anih tur thu tarlan a ni a. Meeting-ah hian ramri depah Police Duty post 18 a awm thu tarlan niin, YMA Duty Post 21 awm mek bawkin hmun tam zawkah hnathawh remchan zawkna avangin Police nen an duty tlan thu tarlan a ni a. Ramri kaltlanga dan lo a mihring leh bungraw kaltlang tur ven anih theihna kawnga thawktu zawng zawngte lungrual taka thawhho zel angaih thu leh thil hriatte inhrilhhriat tawn zel a tul thu pawh sawi lan a ni.

Meeting zawh hnu hian Pu Mark Lalthanliana, Addl DC Champhai kaihhruianain hmun dang atanga lo hawte ni 14 chhung dah lailawkna tur Quarantine Centre atana ruat Polytechnic Building, Tlangsam chu tlawha enfiah a ni a, mi 50 vel bawr awm theihna tura ruahman phawt niin, mamawh anga tihlen leh theih tura ruahman a ni.