No.3243/2019-2020

Vawiin hian Serchhip DC Meeting Hall ah District Level Task Force on COVID-19 te chu an Chairman Pu H. Dolianbuaia, MCS, District Magistrate hovin an thukhawm a, COVID-19 laka mipuite himna tura hmalakna leh in enkawl dan chi hrang hrang te an rel.

Vawiina meeting hian, tun dinhmuna quarantine na leh Isolation na hmun tur kan neihsa te bakah a tul thuta hman belh theih tur hmunhma lo buatsaih belh a, hmanraw mamawh te pawh lo inlak lawk a rel a. Quarantine leh Isolation hmunah hian Police Duty dah-a, a tul anga an eiin ngaihtuah sak tha a ti a. Heng thil te lo buaipuitu tur bik management Team te pawh a din nghal a, a tul angin team hi tihlen zel theih turin a rel a ni.

Quarantine na hmun atanga damlo an lo awm palha Isolation-na hmuna phurh kual dan tur te, motor-a hlan luh hlan chhuah dan tur te leh a hmanruate chu Health Department lamin lo ruahman turin a ti a, COVID-19 vanga boral an lo awm palha ruang sawngbawl dan kalphung (protocol) Hospital-in a neih sa bakah a tul dangte chu YMA te nena sawiho ni se an ti a ni.

Lock down chhung hian Law and order khauh taka kalpui ni se tiin a rel a, veng tina Village Level Task Force te chu police department te nena tang hovin khauh zawkin duty reng se tha tih a ni a, SDO (C) leh BDO ten an huam chhungaha theih chen chen essential commodity control lamah hma lo lain, tlakchham vanga harsatna tawk an awm loh nan hmalak zel ni se, an ti bawk.

Heng bakah hian tuna hmalak meka thil pawimawh hrang hrang te an sawi ho bawk.
Meeting ah hian SP Pu R. Sathiyasundaram leh member dangte an kal tha hle a ni.