State Working Committee (SWC), Mizoramin ruahmanna a siam angin vawiin khan District Level Teachers’ Day Celebration Committee chu DC Conference Hall ah District Level Teachers’ Day Celebration Committee Chairman Champhai Bawrhsap ni bawk Pu Vanlalngaihsaka IAS kaihhruaina hnuaiah an thukhawm.
Thutkhawmah hian nikum lama Teachers’ Day hman dan thlirletna neih niin kumina Teachers’ Day hman dan tur rel nghal a ni . Kumina zirtirtu te ni hi District Headquarter bakah Sub division, Block leh khaw tina sikul te remchan dan anga hman tura rel niin, Champhai khawchhungah chuan zirna in zawng zawngah chawhma lama hemi ni lawmna programme hi mahni zirna in remchan dan angin duan nise tia rel a ni. Lawmna programme ah hian zirtirtute pawimawhna leh hlutna te uar taka inhrilh thar nise tiin thutkhawm chuan a rel bawk. Hemi ni puala Chief Minister, Education Minister leh Deputy Commissioner ten thuchah an buatsaih chu zirna in zawng zawngah chhiar chhuah nise print media a tarlan tum nise tiin a rel bawk a ni. Hemi bakah hian Champhai khawpui chhunga hmun hrang hrangah Zirtirtute chawimawina pualin Banner tar nise tia rel a ni bawk.
Thutkhawm ah hian Pu CC Lalchhuangkima Champhai Addl DC, Pi Lalsiamliani DPC SSA, Pu Hualrikhuma Dy. DPC RMSA bakah Champhai khaw chhunga zirna in hrang hrang Principal te leh zirtirtute an tel a ni.
