Vawiin chawhma khan DC Conference Hall-ah kumin India Independence Day- 2017 lawm dan tur ngaihtuahin District Bawrhsap Pu Kannan Gopinathan, IAS kaihhruaiin meeting neih a ni.

Kumin Independence Day lawmna pui ber hi A.R. Ground-a neih tur niin, Chief Minister Pu Lal Thanhawla chu khuallian a ni ang. Independence Day lawmna ah hian parade contingent 25 bawr vel awm thei tura beisei a ni a, August ni 7 atanga ni 11 thleng AR Ground-ah practice thin tur niin, August ni 14-ah Final Rehearsal neih tura ruahman a ni. Independence Day lawmna function hi zing dar 9 a tan tur niin, dar 11 AM ah sawm bik te tan Governor’s At Home buatsaih a ni ang.

Vawiin meeting-ah hian tum danga parade contingent, a bikin zirlai zingah taksa chak loh avanga luhai leh tlu an awm thin chu zialo an tih thu leh, hetiang harsatna hi pumpelh a nih theih dan tur hrang hrang ngaihtuah a ni a. Meeting hmasa lama lo rel tawh bawhzuiin Health and Family Welfare Department chuan parade contingent a tel tur school hrang hrang zirlaite hriselna endik a nih tawh thu an tarlang a ni.

Kumin Independence Day lawmna atan parade contingent titha te lawman tur chu pun ni se tia rel niin, lawmman pakhatna chu Rs. 2000 atangin Rs. 3000 ah, Pahnihna chu Rs. 1700 atanga Rs. 2500, leh Pathumna chu Rs. 1500 atangin Rs. 2000 ah tihsan a ni ang.