3773/2024-2025

Champhai, 14th January 2025: Champhai District Magistrate Pu Ngulzaṭhuama chuan Section 163 Bharatiya Nagarik Suraksha Sanhita (BNSS), 2023 in thuneihna a pek hmangin Champhai - Zote kawng, Vengthar sa talhna atanga Phaizawl kawngpui zu pawhna inkar kawng chhak leh kawng thlangahte leivung, ran thi, inṭhiahna, bawlhhlawh leh hnawm chitin paih khap a nih thu a chhuah a. He lai kawng thlang lama ram neitute chu kawngpui tana hnawk pha lo a an ram hung vek turin a hriattir bawk a ni.

Champhai - Zote kawng, Vengthar sa talhna atanga Phaizawl kawngpui zu pawhna inkar kawng chhak leh kawng thlangahte leivung, ran thi, inṭhiahna, bawlhhlawh leh hnawm chitin paih an awm thin a, hei hian Champhai khawpui tui tlan Tuipui pawhtu Keilungliah lui a tibawlhhlawhin a hnawh thin a. Tin, Keilungliah chuanhnuaia leilet leh ramte a tichhiain a chhilh bo mek bawk a;

Chuvangin, kei, NGULZATHUAMA, DISTRICT MAGISTRATE, CHAMPHAI DISTRICT chtan Section 163 Bharatiya Nagarik Suraksha Sanhita (BNSS), 2023 in thuneihna min pek angin a hnuaia khapna thupek hi ka chhuah e.

1. Champhai - Zote kawng, Vengthar sa talhna atanga Phaizawl kawngpui zu pawhna inkar kawng chhak leh kawng thlangahte, leivung, ran thi, inthiahna, bawlhhlawh leh hnawm eng chi mah paih phal a ni lo.

2. Champhai - Zote kawng, Vengthar sa talhna atanga Phaizawl kawngpui zu powhna inkar kawng thlang lama ram neitu ten kawng tana hnawk pha lo turin an ram chin an hung vek tur a ni ang.

He thupek zawm lo tu chu Section 223  Bharatya Nyaya Sanhita (BNS), 2023 hmanga hrem an ni ang.

He thupek hian chhuah a nih atanga thlahnih (2) chhung a huam ang.

He thupek hi District Magistrate Seal nemin vawiin ni 13 January, 2025 hian hming ka ziah hnan e.