3774/2024-2025

Aizawl, the 14th January, 2025: Mizoram Public Service Commission (MPSC) hnuaia thawktute chuan vawiin khan Finance Department (Taxation) Auditorium, MINECO Khatla, Aizawlah Kumthar inhlantharna leh infuihtharna hun MPSC Chairman Pu R. Lalramnghaka, IAS (Retd.) hovin an hmang. 

He programme hi hun hniha then niin, hun hmasa zawk Dr. H. Lianzela, IAS, Secretary, MPSC kaihhruaiah MPSC Chairman Pu R. Lalramnghaka, IAS (Retd.) chuan thu sawiin, MPSC hnuaia thawktute chu Kumthar a nih anga thahnemngaihna thar nen dik tak leh tha taka hna thawk turin a fuih a ni.

MPSC Chairman bakah hian MPSC Member Pi PB Lianthangpuii, MIS (Retd.) leh Pu K. Lalhmingliana, MCS (Retd.) te pawhin thawktute fuihna thu tha tak tak an sawi bawk a. He hunah hian MPSC hnuaiah thawktute chuan a huhovin Kumthar Thutiam an la a ni.

Chawhnu lam hi Pu K. Lalrinkima, Addl. Secretary, MPSC chuan kaihruaiin MPSC Officer-te'n MPSC hnuaia section hrang hrang; Establishment, Accounts, Store & Vehicle, RTI & Record, Confidential, Direct Recruitment leh Promotion-te kaltlanga hna hrang hrang thawhte bakah an hlawhtlinna leh hmasawn ngaihna laite power point presentation hmangin an entir a. Dr. H. Lianzela, Secretary, MPSC hovin bawhzui ngai bawhzui dan tur leh tanlak zel dan tur thawktute'n zalen takin an sawiho nghal a; ram tana nasa lehzuala thawk tura infuihthar nghalin, MPSC hnuaia thawktute'n hlawk takin he hun hi an hmang a ni.