3775/2024-2025

Dated Aizawl, the 14th January 2025: Vawiin khan Chief Minister Pu Lalduhoma chuan a office ah Dr. Anju Gaur, World Bank Water Resource Specialist a kawm a. National Hydrology Project, Irrigation and Water Resources Department ten an kalpui mek chungchang leh World Bank kaltlanga hmalak theih chite a sawipui.

India ram pumpui water resource data neih tumin sawrkar laipui chuan Ministry of Jal Shakti kaltlangin World Bank nena tang dunin National Hydrology Project a kalpui mek a. Mizorama he hmalakna enpui turin Dr. Anju Gaur hi a rawn zin mek a ni. Dr. Anju Gaur hian Mizoram sawrkar hmalakna chu lungawithlak a tih thu Chief Minister hi a hrilh.

Chief Minister hian, ruahtui khawlkhawm theihna lian tham tak kalpuina tur Mizorama a awm thu a lo hrilh a. National Hydrology Project an kalpui mekah duhsakna hlanin tuihna humhalh leh tui lam kaihhnawih hmalakna, World Bank hnuai kalpui theih tur chi te a sawipui bawk.

Chief Minister hi Pu Vanlaldina Fanai, Commissioner & Secretary to CM leh Pi R. Lalrodingi, OSD to DM ten an tawiawm a ni.