No.2454/2021-2022
Aizawl, the 2nd October, 2021: Mizoram sorkarin Covid-19 hripui leng laka mipuite himna tura inkaihhruaina thupek a chhuah bawhzuina atan leh, Champhai District mipuite hrileng laka an him tlanna turin Pi Maria C.T Zuali, District Magistrate, Champhai District chuan Sec 144 CrPC, 1973 (Act II of 1973) in thuneihna a pek angin October ni 3, 2021 atangin Champhai District chhungah zan dar 8:00 atanga zing dar 4:00 inkar CURFEW a puang. Hemi hun chhung hian mi tumah pawn chhuah phal a ni lo.
He thupek hian dan leh thupek kengkawhtute, COVID-19 chungchang duty-te, Medical Emergency duty-te leh Deputy Commissioner-in phalna a pekte bakah phai atanga bungraw phur unload, chhiat tawh thil leh medical emergency-a District Magistrate-in VLTF-te hnen a thuneihna a pek dungzuia phalna pekte a huam lovang.
Thupek zawm lo chu IPC Sec. 188 hmanga hrem theih an ni ang.
He khapna thupek hian Curfew Order dinglai a thlak (supersede) a, thupek dang tihchhuah a awm a nih loh chuan chhuah a nih October ni 3, 2021 atanga thla hnih chhung a huam ang.
