No.2859/2021-2022
Aizawl, 2nd November, 2021: Kan hma lawka hunpui lo thleng tur Christmas leh Kumthar hunte Champhai District mipui te’n hlim leh muang taka an hman theihna turin, Champhai District Magistrate Pi Maria C.T Zuali chuan Section 144 Cr Pc, 1973 (Act-Il of 1974) in thuneihna a pek tlawhchhanin Champhai District huam chhungah halpuah, sky lantern, halmawi chi hrang hrang leh naupang silai lem mu kap chhuak thei chi zawrh, hman leh lakluh a khap.
He thupek hian chhuah a nih vawiin November ni 2, 2021 atanga thla 2 (hnih) chhung a huam dawn a, a zawm lote chu Section 188 IPC hmanga hrem an ni ang.
Mihring hriselna atana tha lo leh mi hliam palh thei, mi tam tak nun tiraltitu - halpuah, halmawi leh naupang silai lem mu kap chhuak thei chi te hi kawl, zawrh, lak luh leh hman a him lo a, ram dang siam phei chu khap reng sa a ni.
