No.2860/2021-2022
Aizawl, 2nd November, 2021: National Commission for Women leh National Legal Services Authority bul tumin vawiin khan Mizoram State Legal Services Authority, High Court Legal Services Committee, Gauhati High Court, Aizawl Bench leh Aizawl District Legal Services Authority tangkawp chuan Aijal Club-ah Legal Awareness Campaign on Women's Right an buatsaih a. Justice Michael Zothankhuma, Judge, Gauhati High Court and Executive Chairman, Mizoram SLSA leh Justice Nelson Sailo, Judge, Gauhati High Court and Chairman, High Court Legal Services Committee, Gauhati High Court, Aizawl Bench ten an hmanpui a ni.
Justice Michael Zothankhuma chuan Mizoramah mipa aiin hmeichhe dinhmun chhe deuh zawka a lan laiin kawng tam takah hmeichhia ten hma an hruai tawh zawk nia a lan thu te, hnam dang pasala an neih loh nan mipa ten tan lak a ngaih thu te leh hmeichhiate dikna chanvo humhalhsak hi khawvel pumah ngaih pawimawh a nih thu a sawi a.
Justice Nelson Sailo chuan tunlai khawvelah mi tupawh dan hnuaia leng kan ni tiin Dan hi tute pawhin kan hriat a ngai a ni, a ti a. A bik takin dan hian hmeichhiate hi a humhalh nasa lehzual emaw tih turin hmeichhe humhalhna dan chi hrang hrang siam a nih thu leh hengte hi hriatchian a pawimawh tak zet tih a sawi.
Resource person Pi Lalngaihsaki Fanai, Advocate hnen atangin Hmeichhe humhalhna Dan hrang hrangte ngaihthlak a ni a. Resource person dang Pi Lalrinnungi Sailo, Advocate hnen atangin The Mizo Marriage, Divorce and Inheritance of Property Act, 2014 chungchang ngaihthlak a ni bawk a. Pi Lallianpuii, Director, Women and Child Development in thusawina hun a hmang bawk a ni.
He programme-ah hian Mizoram State Commission for Women, Mizo Hmeichhe Insuihkhawm Pawl, Govt. Mizoram Law College Zirlai, Mizoram Florist Association, Legal Aid Counsel, Mizoram Bar Association leh Department dang official engemaw zat an tel a ni.
Attachment
- Loading attachment...
