Sec 144 CrPC, 1973 (Act II of 1974) in thuneihna a pek angin, Champhai District Magistrate Pu SL Naveen, IAS  chuan hetiang hian khapna thupek a chhuah. 

Champhai District huamchhungah mi 10 ai a tam awm khawm khap tlat a ni a. Nitin mamawh (essential commodities) leh thil dang, Mask, Hand Sanitizer leh thil dangte aman pangngai (MRP) baka hralh leh chheprelh khap tlat a ni a, thil lei tute pawhin mahni chhungkaw bil mamawh aia tam leikhawlin  an chheprelh tur a ni lo. Covid-19 hrileng boruakin ziaawm lam a pan hma chuan mi tumahin puipunna lam chi programme an huaihawt/siam  tur a ni lo. Champhai District chhunga Hotel leh Restaurant zawng zawng te’n kut silfaina mumal tak siamin, dettol sahbawn leh tissue paper  an chhawp vek tur a ni.  Intin lut lawra thil zawrh khap tlat a ni. 

Thupek zawm lo chu IPC Sec.188 hmang a hrem theih a ni a, thupek hian chhuah anih ni March Ni 21, 2020 atanga thla hnih chhung a huam ang.