Tunlaia khawvel puma hri leng Novel Coronavirus (COVID-19) chu India ramah pawh a darh mek avang leh Lawngtlai District-ah pawh darh ve thei reng a nih avangin, he natna laka Lawngtlai District mipuite an him theih nan Lawngtlai District Magistrate & Bawrhsap Pi Shashanka Ala, IAS chuan vawiin, March ni 21, 2020 khan CrPC (Code of Criminal Procedure) section 144-na leh The Mizoram Epidemic Diseases (COVID-19) Regulations, 2020 section 11-na tlawh chhanin Lawngtlai District huam chhunga vantlang hmunah reng reng mi sawm (10) aia tam awm khawm a khap.

He khapna thupek hian thu leh a awm a nih loh chuan April ni 10 thleng a huam ang a. Hospital/medical emergency lama thawktute, dan leh thupek kengkawhtute, thihna emaw rikrum thil emaw avanga phalna pek te leh COVID-19 dona kawnga sawrkar hma lakna bawhzuitute erawh a huam lo vang. Thupek bawhchhiate chu IPC (Indian Penal Code) section 188-na hmanga hrem an ni ang.