Champhai District khaw hrang hrangah vawk pul hri leng mek leh vawk tan inkaichhawn theih a nih avangin hri man avanga vawk damlo leh thite enkawl leh sawngbawl danah khuahkhirhna mumal tak kalpui a nih theih nan Pu VANLALNGAIHSAKA, DISTRICT MAGISTRATE, CHAMPHAI DISTRICT, CHAMPHAI chuan Sec. 144 CrPC. 1973 (Act II of 1973) in thuneihna a pek angin, Ran hrileng avanga ran vulhtu leh mipuiten harsatna an tawh loh nan a hnuaia mi ang hian khapna thupek a chhuah
1. Ram dang Myanmar atangin mi tuman Ran an la lut tur a ni lo.
2. State dang atangin tuman Ran an la lut tur a ni lo.
3. Mi tumahin District dang a mi Ran an la lut tur a ni lo.
4. Khua / Veng dang a mi Ran lakluh khap tlat a ni.
5. Vawk thi reng reng phum vek tur a ni a. Ramhnuai leh daipawn a theh thang mai mai khap tlat a ni.
He thupek zawm lo tu chu IPC Sec. 188 hmangin hrem an ni ang. He thupek hian chhuah anih atanga thla hnih (2) chhung a huam ang.
