No.5384/2020-2021
Dated Champhai, the 24th September, 2020: Sawrkar dan dinglai Mizoram PWD Manual leh Revenue Department hriattirna, Kawngpui atanga metre 3 aia hnaia in sak leh bungraw dah hnawk khapna kalhin Champhai District chhunga khaw hrang hrangah vantlang kawng nek chepzawnga mimal buangrua hrang hrang dah hnawk an awm thin tih hriat a ni a, hei hian lirthei chevel leh mihring tan hnawk leh harsatna a siam phah fo thin a ni.

Champhai District chhunga lirthei chevel leh mihring an him tlanna turin Pi Maria C.T Zuali, District Magistrate chuan 133 CrPc 1973, Sec-I, Sub-Section-in thuneihna a pek angin a hnuaia khapna thupek hi a chhuah:

1. Kawngpui tichep zawngin mi tumahin heng a hnuaia tarlante hi an dah tur a ni lo.

a) Thingkhawn/thingfak
b) Insakna bungrua
c) Boulders
d) Tuizem
e) Motor leh Motor hlui/chhiate

2. Kawngpui tichepa a chunga tarlan dahtute’n he thupek chhuah ni 21.9.2020 atanga chhiara thla khat chhungin an thil dahhnawkte an senghawi/thiarfihlim vek tur a ni.

3. Kawngpui sira Motor hung thin te’n an senghawiin thlakhat chhungin Motor in (Garage) an nei vek tur a ni.

He thupek zawm lote chu Section 188 IPC hmanga hrem an ni ang. He khapna dan hi September Ni 21, 2020 khan District Magistrate chuan Court Seal-a nemnghetin hming a ziah hnan a ni.