2543/2022-2023
Champhai, the 4th November, 2022: Kan hma lawka hunpui lo thleng tur Christmas leh Kumthar hunte Champhai District mipuite’n hlim leh thlamuang taka an hman theihna tur leh, Mizoram sawrkar Home Department-in khap tura a tih bawhzui nan Champhai District Magistrate Pu James Lalrinchhana chuan Section 144 Cr Pc, 1973 (Act-Il of 1974) in thuneihna a pek tlawhchhanin, Champhai District huam chhungah mihring hriselna atana tha lo leh mi hliam palh thei, mi tam tak nun tiraltitu, heng - Ruihhlo, halpuah, halmawi, sky lantern leh naupang silai lem a mu kap chhuak thei chi te kawl, zawrh, lakluh leh hman a khap.

He thupek hian chhuah a nih (2.11.2022) atanga thla 2 (hnih) chhung a huam dawn a, a zawm lote chu Section 188 IPC hmanga hrem an ni ang.