2544/2022-2023
Lunglei the 4th November, 2022 – Deputy Commissioner’s Office, Lunglei District hmalaknain Lungleiah ni thum awh (November ni 10 atanga November ni 12) lung lam leh cancer natna a thlawna inentirna ‘CARDIOLOGY & ONCOLOGY FREE CLINIC’ neih a ni dawn.

He hmalakna hi Corporate Social Responsibility kaltlanga neih tur niin India ram hmun hrang hrang atangin doctor leh medical lam mithiam mi 15 rual an lo kal dawn a ni.

Free Clinic hi Civil Hospital, Lunglei OPD-ah November 10-12 chhunga neih tur a ni a. Screening lo ti lawk te tan November ni 10 ah hian inentirna buatsaih a ni dawn a. Inentir duh dangte tan November ni 11 leh ni 12 ah hian a duh apiang inentir theihna hun hawn a ni ang.

Lunglei District mipui mai bakah District dang mipui a duh apiang an inentir thei a ni.

Doctor lo kal tur te zingah hian:

· Dr. J S N Murthy, Senior Cardiologist & Head of Cardiology, Sri Ramachandra Medical College and Research Institute, Chennai - lung lam natna enkawl Cardiology lama kum 30 chuang lo thawk tawh.

· Cancer natna specialist Dr Ravi Kannan R, Surgical Oncologist, Director of Cachar Cancer Hospital and Research Centre (CCHRC) te anlo tel dawn a ni.

A tul ang medical kaihhnawih hmanrua te pawh an rawn keng nghal dawn a. Inentir zingah zai mamawh an awm anih chuan phai lama an in zai theihnan cheng nuai khat theuh mi 30 tan tanpuina an pe thei dawn bawk a ni.

Hemi chungchang hrechiang duh chuan a hnuaia number-ah te hian zawhfiah theih a ni:

1) Dr SR Ngurchamliana, Medical Superintendent, CHL – 9436147089
2) Dr Saitluanga Sailo – 8787745589, 9862115967
3) Dr James Lalzuitluanga - 8974285506