No.2460/2020-2020

Animal Husbandry and Veterinary Department hnen atanga thu dawn chuan tunlai hian Myanmar, ram thenawm dang leh hmarchhak state thenkhatahte Vawk natna hlauhawm leh inkaidarh awlsam tak PRRS leh African Swine Fever (ASF) hri a leng mek thu a tarlang a. He natna hi inkaichhawn awl tak,Vawk leh Sanghalte vei theih, a vei tawh tan damchhuah ngaihna awm Io a ni.

Heng natnate laka Champhai district a lo invenlawk leh fihlim theihna turin District Magistrate Pi Maria C.T Zuali chuan Sec. 144 CrPC. 1973 (Act II of 1973) in thuneihna a pek angin ram dang, Myanmar etc leh State dang atanga Vawk, vawksa leh vawksa atanga siam eng thil mah lakluh leh thawn chhuak a khap a ni.

Thupek zawm lo tu chu IPC Sec.188 hmanga hrem an ni ang. Thupek hian chhuah a nih atanga thla hnih (2) chhung a huam ang.

Thupek hi District Magistrate Pi Maria C.T Zuali chuan Court Seal-a nemin June Ni 24 June, 2020 khan hming a ziah hnan a ni.

Thupek hian India ram State dang, PRRS leh ASF len lohna atanga Vawk lakluh, Director, Commerce & Industries atanga phalna nei Director, AH& VetyDept. rem tihna la hmasate a huam lovang.