No.2461/2020-2020

Nimin (25/06/2020) khan Lunglei Civil Hospital Lab ah Truenat khawl hmangin sample 27 test niin a vai hian result a negative a ni.

He khawl hman tan 12th June 2020 atanga nimin 25th June, 2020 thleng khan Sample test tawh zawng zawng hi 215 niin heng zinga sample 213 te chu negative in, sample pahnih (2) positive result hmuhchhuah tawh a ni.

Tuna Truenat Khawl hman mekah hian Covid-19 positive result nemngheh na (confirmatory chip) a awm rihlova. Chuvang chuan positive hmuhchhuahte hi ZMC ah confirm tura thawn phei a ngai a. Positive pahnih hmuhchhuah tawh te pawh hi ZMC Laboratory-ah confirm tura thawn phei niin 23/06/2020 (Tuesday) khan ZMC Laboratory in RT-PCR hmanga a test naah sample pakhat hi positive tih nemngheh niin pakhat chu a negative a ni.

Tin, H&FW Department-in a record danin nimin chhun dar 12:00 (25/06/2020 – 12:00 pm) thleng khan Lunglei District ah khunghran (Quarantine) mi 330 an awm mek a. Hengte hi Sawkar Quarantine Facility-ah mi 235, Community Quarantine Centre (kohhran hall)-ah mi 76 leh mahni ina inkhunghrang (Home Quarantine) mi 19 an ni.

Lunglei District-ah tun dinhmunah Covid-19 positive mi 47 awm mekin Covid-19 positive te hi Dedicated Covid Health Centre (DCHC), SIRD, Pukpuiah mi pathum (3) leh Covid Care Centre (CCC), LGC Lungleiah mi 44 an ni a. Medical team ten uluk taka vil rengin an zingah dinhmun hlauhthawnawm an awmlo a ni.