No.3918/2020-2021
Dated Champhai, the 8th August, 2020: Animal Husbandry & Veterinary Department hnen atanga thu dawn chuan tunlai hian Myanmar, thenawm ram dang leh hmarchhak state thenkhatahte Vawk natna hlauhawm leh inkaidarh awlsam tak PRRS leh African Swine Fever (ASF) hri a leng mek thu a tarlang a. He natna hi inkaichhawn awl tak, Vawk leh Sanghalte vei theih, a vei tawh tana damchhuah ngaihna awm Io a ni.
Heng natnate laka Champhai district a lo invenlawk leh fihlim theihna turin District Magistrate Pi Maria C.T Zuali chuan Sec. 144 CrPC. 1973 (Act II of 1973) in thuneihna a pek angin ram dang, Myanmar etc leh State dang atanga Vawk, vawksa leh vawksa atanga siam eng thil mah lakluh leh thawn chhuah khapna thupek a chhuah a ni.
He thupek hian thupek hmasa June Ni 24, 2020 a chhuah chu thlakin chhuah a nih atanga thla hnih (2) chhung a huam dawn a, thupek zawm lo tu chu IPC Sec. 188 hmanga hrem an ni ang.
Thupek hi District Magistrate Pi Maria C.T Zuali chuan Court Seal-a nemin August Ni 6, 2020 khan hming a ziah hnan a ni.
