No.2553/2020-2020

Dated Champhai, the 29thJune,2020: Vawiin June Ni 29,2020 (Thawhtanni) chawhma dar 11:20 khan Recovery Ward, Dedicated Covid Health Centre (DCHC) a awm mek, hmeichhia Kum-27 mi Delhi atanga lo haw Champhai District atanga positive hmuh hmasak ber mi 5 te zinga la chhuak ve lo awmchhun chuan dam takin DCHC, Nursing School Building a chhuahsan fel.

Thlahna hun tawi buatsaihah Dr. Lalnuntluanga, MO chuan DCHC a damlote enkawla riahchilhtu Treatment Team Member-te inhmelhriattirna nei hmasain, tuna damlo chhuak tur chu June Ni 17,2020 a Swab Sample laknawn sakte zinga mi, June Ni 20 result chhuaka la positive anih thu leh June Ni 23 a laknawn leh result June ni 26 a chhuaka negative ta anih thu a sawi a ni.

Covid-19 vei damta pawhin thu sawiin,Doctor leh Team te enkawl leh thlamuanna avanga ngaihngam taka an awm thu sawiin, enkawl an nih chhunga hmangaih leh ngaihsak an hlawhnaah lawmthu a sawi a ni.

Discharge Card hi Pi Vanlalhluni, Nursing Superintendent, District Hospital Champhai chuan hlanin, Dr. Thangsailova Colney, Dental Surgeon in tawngtaisakna neiin thlahna hun a khar a ni.

Tihian tun thlenga Champhai District mi leh sa Covid-19 vei tawh zat chu mi 9 niin, 5 an dam tawha, mi 4 dangte DCHC, Nursing School Building-ah enkawl mek an ni.

Tun dinhmunah Champhai district chhung Quarantine Centre ah mi 29 , Mipa 22 leh Hmeichhia 7 an awm mek a. Heng zinga mi 8 (Mipa 4 leh Hmeichhia 4) te chu Community Quarantine Centre, PCI Bethel Kohhran Hall-a awm te an ni a, a dang zawng mi 21 hi Sawrkar ruahman Institutional Quarantine Centre a awmte an ni.