No.2552/2020-2020

Minister Pu K. Lalrinliana'n Diakkawn Village Council Area a MLA-LAD fund, Excluded Area grant leh Mizoram Finance Commission grant hmanga hnathawh a hmunah kalin a enfiah.

Minister chuan tukin zing atang khan Kolasib Galili veng a Mizoram Finance Commission grant hmanga lungrem te, Excluded area grant hmanga leimin tur venna lungrem te, Salem veng leh Vengthar, Kolasib inkalpawhna, MLA-LAD fund hmanga Motor kal theih a lei dawh te, Jubilee Road-a MFC grant hmanga leimin tur venna lungrem te, Diakkawn Bazar bul kawrpui siam DM&R hnuaia thawh te, Excluded area grant hmanga Vantlang inthiarna hmun siamte, MLA fund hmanga Neuva Section YMA Diakkawn chawlhbuk sak te a hmunah kalin a enfiah a. MLA fund hmanga sak Neuva Section YMA Chawlhbuk bik hi a chung siam danah duhthu a sam loh thu sawiin, steel structure hmanga nalh zawk leh tha zawka siamtha tur leh estimate pawh siam tha leh turin a ti a ni.

Minister chuan, bial chhung mipui ten heng fund te hi kan ta a ni tih hria a, an hna thawhte hi kan ngaihven a, hnathawh a tha em tihte hi enpui ve fo thin turin a chah a ni.