No.1496/2020-2021 

Dated Champhai, the 30th May, 2020: Champhai district mi leh sa Covid-19 hripui leng mek avanga Karnataka, Gujarat, Madhya Pradesh, Bihar leh Andra Pradesh-a tangkhang rawn hawte chuan vawiin khan tluang takin Champhai an rawn thleng a, anmahni lo dawnsawnna hmun tura ruat Vanlallawma Indoor Stadium (VANIS), Kahrawt-ah Bawrhsap Pu Mark Lalthanliana, SP Pu Rex Zarzoliana, Official dang, Medical Team leh Security Personnel-te chuan Bus 9 hmanga rawn haw Champhai District mi leh sa 133 te hi an lo dawngsawng a ni. 

Tangkhang rawn hawte hi VANIS an rawn thlen veleh  kut  silfai tir zel niin, chawlhna room siamah chawlh hahdam tira ei leh inte pek an ni a. Hemi hnu hian Bus tina chuangte chu a tahtawl zelin Medical Screening Team 2 leh Rapid Test (RAT) Team 3 ten an enfiah zela, Rapid Test Reactive 13 (Karnataka 11, Gujarat 2 leh Madhya Pradesh 1) te Sample laksak niin, ZMC lama RT-PCR Test ti tura thawn thlak  niin, test result chhuah hma chuan Covid Care Centre, Nursing School Building, District Hospital Complex-ah khunghran an ni ang.  Tul dangte buaipui anih hnuah a dang zawngte hi awm khawmuang lovin sawrkar dana Ni 14 chhung inkhunghrang turin Quarantine Centre hrang hrangah te dahluh nghal an ni. Medical Screening leh Rapid Test-te neih zawh anih hnu hian chetvelna hmunhmate chu Health department Staff te’n 0.5 % Sodium Hypochloride hmangin an thian thianghlim leh vek a ni.

Karnataka atang lo haw te hian zing dar 7:50 khan VANIS an rawn thleng a, Mi 90 (Mipa 43, Hmeichhia 47) niin an zingah hian Bihar atanga lo haw Hmeichhia 1 a tel a. Mipa 35 te chu PCI Vengthlang  Kohhran Chhanchhuahna In Community Quarantine Centre, New Champhaiah khunghran an ni a. Hmeichhia 40 leh Mipa 2, an vaiin mi 42 te Tourist Lodge Quarantine Centre-ah dahluh an nih bakah   Zion Veng mi leh sa Mipa 3 te chu an veng buatsaih BM P/S Community Quarantine Centre, Zion Vengah dahluh an ni.  Gujarat atanga lo haw mi 22 ten chawhma dar 10:20 velah VANIS an lo thleng a, Mipa 4 te PCI Hmunhmeltha Hunthar Kohhran Hall Community Quarantine Centre-ah dahluh niin, Hmeichhia 14 te PCI Hospital Veng Kohhran Hall Community Quarantine Centre-ah khunghran an ni a, Mipa 1 leh Hmeichhia 1 te PCI Vengsang Kohhran Hall Community Quarantine Centre-ah dahluh an ni bawk. Gujarat ruala lo thleng Madhya Pradesh atanga lo haw mi 18 zinga Mipa 3, Hmeichhia 14 te chu PCI Vengsang Kohhran Hall Community Quarantine Centre-ah dahlut an ni. Chawhnu dar 2:20 vela VANIS lo thleng, Andra Pradesh atanga lo haw Mi 4 zinga Mipa 2 te PCI Hmunhmeltha Hunthar Kohhran Hall Community Quarantine Centre-ah dahluh niin, Hmeichhia 2 te DPRC Quarantine Centre, Keifangtlang-ah dahluh an ni bawk.

Heng bakah hian zanin hian Rajasthan atanga lo haw mi 12, Uttarankhand mi 4 leh Kolkatta atanga Thlawhtheihna hmanga lo haw West Bengal 4 leh Maharastra 2 te an lo thleng leh tura beisei an ni a.  Naktuk May Ni 31, 2020 hian  Delhi atanga lo haw mi 114 bawr velte Champhai lo thleng leh tura beisei niin, Tlangsam Polytechnic Quarantine Centre-ah dahluh an ni ang. Tamil Nadu atanga lo haw mi 66 te’n vawiin khan Tlangsam Polytechnic Quarantine Centre hi an lo chhuahsan tawh a ni.