Champhai District huam chhunga My Project, My NEDP- Mipui Mamawh Intawm Ruahmanna (MiMIR)’ Project intihsiakna kal zelah vawiin khan Champhai DC Conference Hall, Keifangtlangah-ah Project Concept Paper tha thlanchhuah 13 ten District MiMIR Committee hmaah Presentation hmangin an Project sawifiahna hun an nei a. Hengte hi MiMIR Criteria hmangte a endik a nih hnuah Champhai District MiMIR Project pakhatna atan New Chalrang khaw Project siam, NCR Organic Pineapple Processing Plant tih chu thlan a ni.

District Bawrhsap Dr. Naveen Aggarwal chuan NEDP MiMIR Project-in District chhunga mipuite mamawh phuhrukna tur Project a siam chu lawmawm a tih thu leh eng project pawh thlan nise, District tana hmasawnna ruhrel, chhawrnahawm a ni, a ti a. Project lut reng rengte chu District thuneituten an ngaihpawimawh vek thu leh nakin zela hmasawnna ruhrel siam kawngah pawh zirchian zel anih tur thu a sawi a. Project thlanchhuah 13 zinga pakhatna bak a dang 12 te chu Promising Projects anga chhinchhiah vek anih dawn thu leh Project thehluh zawng zawngte chu Aspirational Projects anga chhinchhiah anih vek tur thu a sawi bawk a ni.

Project Concept Paper thazual 13 thlanchhuah vawiina Presentation pete chu:   

1.    Biate – Zialung Innovative Recreation Complex

2.    Kawlkulh North- Storage and Marketing Hub

3.    Pawlrang  - Liquid Waste Management

4.    Tlangsam - Eco/ Cultural Hub (Champhai View)

5.    Vengthlang North - Multipurpose Skill Development Centre

6.    Chawngtlai - Irrigated Hill Terrace cum Fish Pond

7.    Champhai Venglai - Mini Sport Complex

8.    Champhai Vengsang - Champark

9.    Ngopa - Sports Complex

10.Electric Veng, Champhai - Development of Public Playground

11.New Chalrang - Organic Pineapple Processing Plan

12.Vangchhia – Our Heritage, Our Treasure

13.Kahrawt - Upgradation of Kahrawt Field te an ni.