Assembly Constituency pasarih awmna Lunglei District Draft Photo Electoral Roll 2018 chu Election Commission of India ruahmanna angin vawiin chawhma dar 10:30 khan Lunglei District Election Officer leh DC ni bawk Dr Ankita Chakravarty, IAS chuan a Office Chamber-ah a tlangzarh. Vawiin Draft Electoral Roll tlangzarhna programme-ah hian election lam kaihhnawih sawrkar official te bakah Political Party hruaitute, MJA hruaitute leh tlawmngai pawl aiawhte an tel tha hle. 

Dr Ankita Chakravarty chuan Lunglei District Draft Electoral Roll a hun taka peih fel tura nasa taka thawk tu DC Election Branch, ERO, AERO, BLO te thahnemngaihna leh thawhrimna chu fakawm a tih thu a sawi. Lunglei District-in Electoral Roll  dik leh felfai tak a neih theih nan thahnemngai taka hma la theuh turin kalkhawmte a sawm.

Draft Electoral Roll in a tarlan dan in Lunglei District-ah voter 1,03,776 (mipa – 51,738, hmeichhia – 52,038) an awm a, Assembly Constituency hrang hrang dinhmun chu hetiang hi a ni:

S No

A/c No & Name

Male

Female

Total

 

1

29 – South Tuipui (ST)

7,279

7,381

14,660

2

30 – Lunglei North (ST)

7,892

8,205

16,097

3

31 - Lunglei East (ST)

7,072

7,492

14,564

4

32 - Lunglei West (ST)

6,800

7,354

14,154

5

33 - Lunglei South (ST)

8,435

8,567

17,002

6

34 -  Thorang (ST)

6,620

6,269

12,889

7

35 – West Tuipui (ST)

7,640

6,770

14,410

 

TOTAL

 

51,738

 

52,038

 

1,03,776

 

1.    Roll hnuhnung berah (15th January 2018-a tlangzarh) Mipa – 51,635 leh hmechhia – 51,942 awmin 1,03,577 voters an awm.

2.    Draft Electoral Roll-a District pumpuia vote nei zat (Mipa – 51,738 leh hmeichhia – 52,038) = 1,03,776 Voters.

3.    Mipa aiin hmeichhia hi 300 in an tam zawk a ni.

4.    Lunglei District A/C zinga voter tamna ber chu Lunglei South A/C niin voters 17,002 an awm a, voter tlem na ber chu Thorang A/C niin voters 12,889 an awm a ni.

5.    Roll hnuhnung ber 15 January,2018 a Electoral Roll tlangzarh a nih hnu khan Electoral Roll-ah voters mi 277 (Mipa – 139, Hmeichhia - 138) thun belh an ni a, voters mi 78 (mipa – 36, hmeichhia - 42) te hming paih an ni bawk.

He hunah Lunglei DC chuan chuan Party aiawh kalkhawm te leh Sub Hqrs YMA hnenah Draft Publication hi a sem nghal a, Hming thunluh, paih, vote neihna insawn etc te chu form hrang hrang heng Form 6,7,8,8(A) te hmangin bialtu BLO te hnenah vawiin July ni 31 atanga August ni 21 thleng hian dilna a thehluh theih a, hemi bakah hian online nvsp.in ah dilna te hi a thehluh theih bawk a ni. Special Summary Revision of Photo Elec­toral Rolls, 2018 ah hian Qualifying date-ah 01.01.2018 hman niin Election Commission of India-in ruahmanna a siam angin Final Publication of Electoral Roll hi 27thSeptember, 2018 ah tlangzarh tum a ni.

Attachment

  • Loading attachment...