2891/2024-2025

Champhai, 7th November 2024: Vawiin chawhnu dar 03:00 khan Champhai District Nasha Mukt Bharat Abhiyan Committee (NMBA) chu DC Conference Hall, Keifang tlangah Pu K. Zorammuana Addl DC kaihhruaiin an ṭhukhawm.

Ṭhutkhawm kaihruaitu Pu K. Zorammuana chuan kalkhawmte inlawmna thu sawiin, NMBA hnuaia hmalak tawhna thlirletna  leh hmalakna thar tura ruahmanna ‘Draft Action Plan’ thlirhona  te neih a nih tur thu a hriattir a. Chairman  hian meeting agenda te sawi zau turin Pi PB Liansangpuii, NMBA Member Secretary a sawm a, he mi hnu hian rorel ṭan a ni.

Vawiin ṭhutkhawmah hian NMBA hnuaia kum 2024-25 chhunga hmalakna tur Draft Action Plan thlirho a ni a. Hmalakna tura chhawpchhuah zingah hian High School, Higher Secondary leh College aṭanga Master Volunteer 50 thlan chhuah te, sikul 10-a Anti Drugs Club din te, tlawmngai pawl leh Kohhran te nen ṭangkawpa  Awareness Campaign neih te, Social Media Campaign neih te a tel a ni. 

Nasha Mukt Bharat Abhiyan (Drug Free India Campaign) hi Ministry of Social Justice and Empowerment, Goverment of India hnuaiah August ni 15, 2020 khan hawn a ni a.

He ruihhlo dona Campaign hi India ram a ruihhlo hluarna District 272 ah bul tan a ni a. Mizoramah chuan Aizawl, Champhai leh Kolasib District ah te kalpui hmasak a ni.

Champhai District ah chuan Deputy Commissioner kaihruaina hnuaiah committee member mumal tak neiin he NMBA hi kalpui niin ruahmanna siam leh hmalakna thirletna committee thlakhatah vawi khat neih thin a ni. NMBA Champhai District hi February ni 5, 2021 ah hawn a ni.

He mi ni hian Master Volunteer thlan chhuah mi 50 te training pek an ni. Anni kaltlang hian Multi Media Campaign; Social Media kal tangin Drug Awareness Campaign neih thin a ni.

He Compaign in a tum ber chu hengte hi a ni:-

1. Awareness Programme school leh College zirlaite a bika thlur bing an ni.

2. Drug in a nghawng chhungkua leh ruihhlo ngaite zawnchhuah leh an mamawh phuhruk sak.

3. Ruihlo ngai enkawlna hmunah te an mamawh ang counselling pek,

4. Ruihlo pung zel tur venna kawnga khawngtlang hruaitute tha tih chak

5. Ruihlo dona kawnga thawhpui theih turte zirtina (training) pek.

NMBA Champhai District hnuaiah hian heng a hnuaia sub committee / Team hrang hrang te hi din tawh a ni. Chungte chu :

1. Committee for Fine Policy at Government Offices

2. Drug Treatment Facility Monitoring Team

3. Sale of Tobacco / Cigarette Monitoring Team

4. Drug Control Sub Committee

5. Sale of Drug Monitoring Team

6. Public Participation Sub Committee

7. Awareness and Treatment Committee

Champhai District (Undivided) huam chhung zawng zawngah Drug Awarenss Campaign Middle School, High School, Higher Secondary leh College zirlaite hnenah pek chhuah vek tawh a ni.

Ruihhlo ngaite hnenah a thlawna inentirna buatsaih a ni bawk a, Champhai khawchhunga Ruihlo ngaite enkawlna hmun (Rehabilitation Center) tlawh chhuah vek tawh a ni.

Government Champhai College a Anti Drug Cell nen MoU sign in Nasha Mukt Club din a ni a, anni hian an zirlaite hnenah Slogan leh Essay Writting Competiton, Drawing Competition, Rally leh Drug Awareness an nei thin a ni.