Champhai District Child Protection Unit hmalaknain vawiin khan Champhai Distrcit Police Officer-te tan "In-service training for Police Officer on Special Laws of Module" buatsaih a ni a. Training hi Police Conference Hall-ah Champhai SDPO Pu Lalringliana Pachuau kaihhruaina hnuaiah neih a ni.

Vawiin training-ah hian Pi R Lalrinchhani, DCPO atangin Integrated Child Protection Scheme chungchang zirtirna ngaihthlak a ni a. Child Protection Office chuan naupang kum 18 hnuai lam enkawl leh venhim te, dan kalha thilsual tipalh chungthu ngaihtuah te, nu leh pa enkawltu nei mumal lo enkawl te, chenna in nei lo leh harsatna hrang hrang nei naupangte tana tha ber tur ang a tanpuina pek leh venhim a, enkawlna pek hi a tum ber a nih thu a sawi a. Naupangte chunga hleihlenna tih reh a nih theih nan leh naupangte'n an chanvo dik tak an dawn theihna turin Police officer kalkhawm te chu thawhhopuiah a sawm bawk.

He hunah hian Pi Vanlalhruaii, Child Protection Officer hnen atangin Juvenile Justice (Care & Protection of Children) Act 2006 chungchang inzirtirna ngaihthlak a ni bawk a. Pi Lalrammawii, Legal-cum-Probation Officer hnen atangin Protection of Children from Sexual Offences Act, 2012 chungchang ngaihthlak a ni a; Pu Jerry P. Vanlalrinchhana hnen atangin Child Labour (Prohibition & Regulation) Act chungchang ngaihthlak niin, Pi J Lalruatlawki hnen atangin Corporal Punishment chungchang ngaihthlak a ni bawk.

Training-ah hian zawhna leh chhanna hun hman niin, sawihawnna hun hman a ni bawk a. He training hi Champhai SP Charge la mektu Pu VL Lura Hauzel, Addl SP in a tel pui bawk a ni.