Champhai District chhunga Social Mobilisation & Institution Development (SM&ID) hnuaia Self-Help Group members zawng zawng tan ni hnih awh tur training vawiin atan khan UD & PA Department buatsaihin neih tan a ni a. He training, I&PR Auditorium, CHANEM building neih hawnna hun ah hian Pi V.Lalmuanpuii, DUDO, Champhai chuan kaihruaiin, National Urban Livelihood Mission (NLUM) innghahna pui ber - khawpui chhunga retheihna tihtlem nan Self Help Group din pawimawhzia a sawi a ni.

Pi V. Lalmuanpuii chuan Self Help Group hma la tha lo te chu kar khat chhung survey/ endik an nih tawh thu leh, a ti tha tanpui tlak te chu Revolving Fund-ah Rs 10,000 (Singkhat) theuh pek an nih tur thu a sawi a. SM&ID-in a tum ang ngei a mahni ke a ding thei tur khawp a pawl tha leh taima ni theuh turin SHG hrang hrang kalkhawmte chu a fuih a ni.

Vawiin training-ah hian Pi Lalrinngheti, Manager SM&ID; Pi Lalbiaklawmi, Community Organiser; leh Pi Vanrammawii, Manager, Skills & Micro-enterprise ten Self Help Group member-te hi zirtirna an pe a ni.