Vawiin khan Champhai DC Conference Hall ah State Road Safety Council thupek angin Champhai District Road Safety Council chu Champhai Bawrhsap Pu Vanlalngaihsaka kaihhruaina hnuaiah an thukhawm.

Thutkhawmah hian Champhai District a Road Safety Week February ni 6-12 chhunga hman dan tur ngaituah a ni a, hawnna inkhawm chu February ni 6, 2017, Dar 10:00 AM, I&PR Auditorium, CHANEM Building ah neih tura rel a ni a. Hemi hunah hian lirthei khalh a eizawngtu te Champhai - Aizawl Maxi Cab Driver Association, Champhai - Zokhawthar Maxi Cab Driver Association, Zokhawthar - Champhai  Maxi Cab Driver Association, Zoram Driver’s Union, Champhai Branch, YMA Sub Hqrs OB, Head of Offices, Thuthar lakhawmtu, Champhai Taxi Drivers Association leh Truck Drivers Association zawng zawng tel theuh tur a beisei leh hriattir ni se, Road Safety Week chhung hian Police lam te pawh uluk zawk leh fimkhur zawk a duty tura ngen nise tiin an rel bawk.