3012/2023-2024

Champhai the 12th December, 2023 – Champhai District Silver Jubilee Celebration Committee te chu a vawikhatna atan vawiin chawhma khan an Chairman Champhai DC Pu James Lalrinchhana kaihhruaiin DC Conference Hall, Keifangtlang-ah an thukhawm a ni.

Vawiin Committee hian Champhai District Silver Jubilee chu lawm ngei ni se tih relin, February 2024 thla chhunga lawm ni se tih an rel a. A lawmna program leh a kaihhnawih thil pawimawh dangte buaipui turin Sub Committee pathum Souvenir Sub Committee, Monument Sub Committee leh Celebration Sub Committee te din an ni a. Sub Committee te hi an hmalak dan tur theuh lo in ruahman fel tura tih niin Committee lehpek January thlaa neih turah Report kimchang thehlut hman tura tih an ni.

Champhai District Silver Jubilee Celebration Committee ah hian Chairman chu Champhai DC Pu James Lalrinchhana, Vice Chairman Champhai Addl DC Pu M. Misael leh Member Secretary Pu Lalrinawma Khiangte, SDO (S) te an ni a. Member ah hian sawrkar official-te, DC Staff Welfare, MJA, Sub Hqrs YMA, MHIP, MUP, Joint VC North leh South te, Pu Lalnunmawia Vengthlang North, Pu Vanlalhuma Kahrawt, Pu L.Khuma Varte Vengthlang North, Pu T. Zarema Kahrawt, Pu K.Lalmawia Vengthlang, Pu Lalhlupuia Venglai, Pu Lalhmingliana Venglai leh Pu C.Laldingliana Vengsang te an tel a ni.