4115/2023-2024

Champhai, the 11th March, 2024: Champhai District Silver Jubilee Celebration Committee chu vawiin chawhma dar 11:00 khan an Chairman Pu James Lalrinchhana, District Bawrhsap hovin DC Conference Hall-ah an thukhawm.

Meeting kaihruaitu Pu James Lalrinchhana, District Bawrhsap ni bawk chuan Champhai District tana ni chhinchhiah tlak tak ni tur Silver Jubilee lawmna hun chu nakin zel atana la thlirlet leh tur a nih vangin uluk taka hmalak a tul thu a sawi a. Hlawhtling taka lawm a nih theih nan mawhphurhna hrang hrang neite chu theihtawp chhuah theuh turin a chah a ni.

He hunah hian Sub-Committee peng hrang hrang Finance, Souvenir, Monument, Programme, Decoration, Accomodation, Ushering, Refreshment, Stage & Seat Arrangement, Photo Gallery & Photobooth bakah pawimawh dangte sawiho a ni a, Information Sub-Committee din a ni bawk.

Rokhawlhna hrang hrang avanga Champhai District Silver Jubilee lawmna hun tura ruat hmasakte sawn a nih hnuah ruahman dan chuan March ni 15, 2024 hian DC Office Complex, Keifangtlangah Champhai District Silver Jubilee chu ruai nen ropui taka lawm tum a ni a, Chief Minister Pu Lalduhoma chu khuallian ni a he hun telpui tura beisei a ni.

Champhai District Silver Jubilee lawmnaah hian District chhunga MLA 3 te, DC leh SP awm tawhte, Sawrkar Department hotute, Pastor, hruaitu hlui, Chanchinbumi, VC leh NGO hotute leh sawm bik hrang hrangte tel tura beisei an ni.