3553/2024-2025

Champhai, 16th December 2024: Vawiin khan Champhai District Town Vending Committee chu an Chairman, Champhai Bawrhsap Pu VL Remliana kaihhruaiin  DC Conference Hall, Keifangtlangah an ṭhukhawm.

Town Vending Committee hian Champhai Vengthlang Village Council ten Awmpui Phei Krismas Bazara inpho dilna an dawn aṭanga an pawh chhuah mi 236 te inpho phalna chu uluk taka an ngaihtuah hnuah an pawm pui a. 

Town Vending Committee hian Krismas leh Kumthar vuakveta mipui bazar te an him zawk nan, bazar tur te chu CHANEM tuala motor hung vek turin a hriattir bawk a ni.  

He hunah hian Pu PC Lalṭanpuia, Addl SP; Pu Benjamin Zalawma Ralte DUDO, Commerce & Industries Department aiawh, Bethel leh Vengthlang VC te bakah tlawmngai pawl hruaitute leh dawrkai aiawhte an tel a ni.