Vawiin khan District Information & Public Relations Officer chuan Vote chhiar dan tur chungchanga hriattur pawimawh a tichhuak.

Karleh Thawhtanni zing dar 8 atangin vote hi chhiar tan tur a ni a, Counting Supervisor leh Counting Asst te, Counting atana Micro Observer te, Presiding Officer zawng zawngte chu zing dar 7 ah DC Office Keifangtlang thleng vek tura beisei an ni a, hei bakah hian Candidate, Election Agent leh Counting Agent te pawh dar 8 hma ngei a counting Hall thlen fel vek tur a nih bakah, EVM Strong Room hawn laia awm tur Political Party aiawhte pawh zing dar 7:30 ah chuan kim vek tawh tur a ni ang. Counting Official zawng zawngte chu Badge siam sak an ni ang a, hemi atana tul zawng zawng chu vawiin (Zirtawpni) aia tlai lovah tihfel vek tur a ni. Counting Hall ah hian Mobile phone leh camera, phalna bik neite tanlo chuan ken luh phal a ni dawn lova, pawnah police ten checking an nei vek dawn a ni.