2858/2024-2025
Champhai, 5th November 2024: Zanin dar 06:30 vel khan Champhai Electric Venga Pi Lalhmunliani in chu a kang a, in kan chhan hi ṭek tla avanga kang ni a rin a ni. Kangmei hi Champhai Fire Station-te leh mipui ṭang rualin theihtawp chhuahin an ṭhelh a. Amaherawhchu, Gas Cylinder pahnih a puah avangin bungrua chuh hman a ni ta lo a ni.
Kangmei avang hian thi leh hliam an awm lo va. In leh bungrua, vawk pahnih leh ar 23 kang ralin, an hlut zawng hi cheng nuai kua, singli leh sanghnih (₹9,42,000) a ni a. Sum fai cheng nuai khat sing kua sangkhat zakua sawmnga (₹ 1,91,950) a kang tel bawk a. Kang ral hlut zawng hi a vaiin cheng nuai sawmpakhat leh sing thum bawr vel (₹11,33,950) ni a chhut a ni.
