2857/2024-2025

Dated Kolasib the 5 November 2024 : Sinlung Hills Council inthlanpui vawi 2 na chu vawiin khan Kolasib District chhunga Constituency pahnih ah tluang taka zawh fel a ni.

Kolasib District a Sinlung Hills Council General Elections 2024 ahhian Constituency pahnih; 11 Saipum leh 12- Saiphai te an awm a. Vote nei zawng zawng hi mi 2648 niin Candidate 10 an awm bawk a ni.

Tukin zing dar 7 atangin vote hi thlak tan niin tlai dar 4 a Polling Booth te khar a nih hian 12 Saiphai constituency a Polling Booth pali (4) ; Saiphai 1&2, Phainuam leh Saihapui V ah te vote tla zawng zawng 1882 niin, chawhrualin za zela 71. 07% a tla a . 11 Saipum Constituency a Polling Booth pathum (3) ; Saipum 1&2 leh Chawnpui ah te hian vote 1797 tla in, a chawhrualin za zela 78.3% vote a tla a ni. A chawhruala Vote tlak that berna hi Saipum 1 niin vote hi 79.47% a tla a, a chawhruala vote tlak chhiatna ber erawh Phainuam niin 64.72% a tla thung.

Sinlung Hills Council inthlan hi ballot paper hmanga vote thlak niin, Constituency Headquarters Saipum PS-1 leh Saiphai PS - 1 ah te vote thlak zawh hian chhiar tura ruahmanna siam a ni. Kolasib District Election Officer Pu Robert C Lalhmangaiha pawhin Polling Station te hi vawiin khan tlawh chhuak in inthlan felfai taka kalpui a ni chu lawmawm a tih thu a sawi.