2691/2023-2024

Champhai the 6th November, 2023 - Election Commission of India tirha Champhai District chhung Constituency pathum vil tura ruat Expenditure Observer Pu Abhishek J Jain, IRS hovin vawiin khan DRDO Conference Hall, Keifangtlang ah Candidate-te insenso endik vawithumna leh a hnuhnung ber ni bawk neih a ni.

He hunah hian Champhai District Election Expenditure Monitoring Nodal Officer Pu Lalrinawma, Champhai District chhunga Assembly Constituency pathum 23 Champhai North, 24 Champhai South leh 25 East Tuipui a Assistant Expenditure Observer (AEO)-te leh Expenditure Agent te an tel a ni.

Vawiin inspection-ah hian Candidate tin te Day to Day accounts register, Shadow Observation Register leh an Bank Statement te enfiah a ni a. Candidate te expenditure register leh statement-te fel thawkhat tlang a hmuh niin, ziah fel ngai leh siam that ngai tlemazawng nei anla awm a. Heng expenditure-te hi naktuk tlaiah ECI Portal-ah upload hman tum a ni.

Expenditure Observer Pu Abhishek J Jain hi inthlan result puan atanga ni 25 ah Champhai District-ah a rawn let leh dawn a, candidate-te statement of accounts te a rawn endik leh dawn a ni.

Election Commission of India (ECI)-in inthlan campaign sensova candidate-te sum hman theih zat a bituk angin, kumin Mizoram MLA Inthlanpui 2023-a candidate pakhatin campaign sensoa sum a hman theih tur zat chu cheng nuai 28 (? 28 lakh) a ni.

Champhai District-a inthlan insenso chungchanga hriat fiah duh leh report duh nei tan Expenditure Observer Pu Abhishek J Jain hi 9233968789 ah engtiklai pawhin mipuiten an biak theih a ni.