653/2025-2026

Champhai, 16th May 2025: Sawrkar Laipui Ministry of Information & Broadcasting hnuaia din Experiential Learning Centre (ELC) Chanem Building-ah vawiin chawhnu dar 2:30 khan Champhai Bawrhsap Pu Mohammad Aaquib-a hovin zirlaite tan Exposure programme hlawkthlak tak neih a ni.

He hunah hian Champhai Bawrhsap Pu Mohammad Aaquib chuan ELC chu zir thiamna hmun ‘Educational Centre’ a nihna ngaipawimawh turin zirlaite a ngen a. ELC chu zirlai naupangte thiamna inthukru phochhuaktu, ram enkawl leh thil ruahman an thiam phah theihna leh thiamna tak tak pe chhuaktu ni thei se a duh thu a sawi a. Zirlaite chu zuk leh hmuam leh ruihhlo chi hrang hrang an taksa tichhe thei leh an zirlai ti bahlah thei reng reng lak ah inthiar fihlim turin a chah bawk. Champhai Bawrhsap hian zirlaite chu ELC chu an zirna pui thei tur zawnga hmang tangkai turin a chah a, zirlaite banphak ngei turin a hman man pawh ruahman an tum thu a sawi bawk a ni.

ELC Exposure Programme inkhawm hi Pu K. Zorammuana, Addl DC chuan kaihruaiin kalkhawmte inlawmna thu a sawi a. Pu F. Lalrinmuana, ELC management committee member, Sub Headquarters YMA President ni bawkin Exposure programme a kalkhawm zawng zawng te chungah lawmthu a sawi a ni.

Vawiina ELC Exposure programme ah hian Govt Champhai College, GMHS, Govt Champhai High School, Vengsang High School, BC Lalthlamuana Academy leh Govt Roseland School atangin  Zirlaite thahnem tak an kal a, ELC a khawl awm te hmandanleh  hrilhfiahna hun hman ani. ELC-ah hian Artificial Intelligence leh Virtual Reality hmang ‘Gaming Zone’ te, ‘HoloWorld’ leh video fiah zawk (High Definition) hmanga thil awm dan inhrilhfiahna hmun ‘Viewing Room’ te a awm a ni.

Document 130.pdf