652/2025-2026

Aizawl the 16th May 2025: Vawiin khan Chief Minister Pu Lalduhoma chuan a office-ah All Mizoram Village Council Association hruaitute a kawm.

Chief Minister hian hruaitu thar te duhsakna a hlan a. Mipuite tana hnathawk tura thlan an nih hre renga, thlei bik nei lo va khua leh tui te tana hma la thin turin a chah.

Association hruaitute hian Mizoram sawrkarin The Mizoram (Village Councils) Bill, 2025 tun hnaia a pass avangin lawmthu an sawi a. A taka hman theih an chak tawh thu an hrilh. District leh state level-ah an telna tur ni awm tak committee ah chuan an pawl aiawh te tel ve thin turin an ngen a, VC member te hamthatna tur thil thenkhat an thlen bawk.