3143/2022-2023 

Champhai, 24th December, 2022: December ni 23, 2022 (Zirtawpni) zan khan Mizoram Fire & Emergency Services, Champhai Fire Station-a thawktute chuan Pu F. Lalchhandama, Station Officer hovin Champhai khawpui chhung hmun 5; DK Traffic Point, Dawr dung thla, Venglai Bazar, Vanbawia Traffic Point leh Bethel Kawnahte hunpui Krismas leh Kumthar lo thleng tura halpuah leh halmawi hal lo tura mipuite ngenna Street Campaign kaltlangin an nei. Aurinna kengin khawlai an fangkual a, mipuite zirtirna pein ngenna an siam nghal bawk a ni.

Street Campaign hmang hian halpuah, halmawi leh a kaihhnawih halin boruak a tihbawlhhlawh dante, mihring hriselna a tihchhiat theih bakah kangmei a tihchhuah theih dante an puang chhuak a. Halpuah, halmawi leh a kaihhnawih dangte hal lo turin mitinte an ngen a ni.

Tul lova sum sen ralna anih bakah halpuah, halmawi leh a kaihhnawih halin damlo, thawk lama harsatna nei, tar chaklo leh lung tha lo te tan harsatna a thlen bawk avangin sawrkar thuchhuahte ngaipawimawh turin mitinte an ngen a. Khua a lo ṭhal chhoh leh tak avangin mitinte kangmei tichhuak lo tura fimkhur ṭheuh turin an ngen nghal bawk a ni.

Ruahman dan chuan kangmei laka fimkhur tura inzirtirna leh ngenna Street Campaign hi December ni 30, 2022 zan hian Champhai Vengsang, Dawrkaikawn, Vengthlang dawr dung thla, Kanan Veng leh New Champhaiahte neih leh an tum a ni.