DIRECTORATE OF INFORMATION & PUBLIC RELATIONS, Government of Mizoram, India

3144/2022-2023

Aizawl the 24th December, 2022: Vawiin chawhnu khan Er.Lalrinawma, Minister Excise & Narcotics, Social Welfare.etc changtu chuan Central YMA Office Tuikhuahtlang a tlawh.

Er.Lalrinawma chuan mipuite kan him theihna tana theih tawp chhuah tu, ram leh hnam tana thahnemngai taka thawk thin CYMA te chu fakawm tiin hun lo kalzel turah pawh thawhhona tha neih zel a duh thu a sawi a. Ruihhloin mimal, chhungkua leh thalai thahnem tak a tibuai thin chu pawi tiin hemi dona kawnga hma laknaah Zoram mipui zawng zawngte chu mahni awmna hmun theuhah tangruala, theih tawp chhuah tul a tih thu a sawi. YMA in ruihhlo do kawnga theihtawp a lo chhuah thinnaah lawm thu Minister chuan a sawi a, YMA chu Mizo mipuite tan an hlu tak zet a, ram leh hnam tana an inpekna chu a ropui tak zet a ni, a ti.

Excise Minister hian ruihhlo dona kawnga CYMA hman tur tangkafai a hlan nghal a ni.

Pu R.Lalngheta President CYMA pawhin thusawiin Er.Lalrinawma’n Minister a nih atanga hun reilote ah CYMA Office-a a lo leng thei chu lawmawm a tih thusawiin Opposition MLA a nih lai atanga mi hmingtha leh thawhpui ten an fak thin Minister a ni ta chu a lawmpui a. Sorkar Department, a enkawltu Minister leh NGO te chu lungthu pathum anga kalkawp reng turin a duh thu a sawi a ni.

Pu Ngurchungnunga Sailo, Commissioner Excise & Narcotic pawhin CYMA nen thawh hona tha tak an nei thei thin chu lawmawm a ti a, ruahmanna leh thurawn inhrilh tawn zela theih tawpa inpuih zel a duh thu a sawi a ni.

He inkawmhona hun hi Pu R.Lalngheta, President, CYMA chuan kaihruaiin CYMA hruaitu dang pawhin thusawina hun an hmang a ni.

Attachment