Vawiin zingkar atang khan AH&Vety dept. Champhai chuan Free Animal Health Camp, Hmunhmeltha-ah an buatsaih.
He Health Camp tan hma inkhawm tawi neih ah hian Pu Dailova VCP Hmunhmeltha chuan thu sawiin "Hmunhmeltha khua-ah hian Ranvulh kan tam a, Department. atanga duhsakna sang tak kan dawng hi ropui kan ti a, in mi duhsakna ah lawmthu kan sawi a ni", a ti. Hemi hnu hian Dr. Laltlanmawia DVO Champhai pawhin thu sawiin vawiin a ran a thlawn a enkawl hna kan rawn thawhna hi Sorkar laipui Scheme niin District. tinah he Scheme hi hmun 2 ah neih tur a ni a, thla hmasa khan Tualcheng-ah neih tawh niin tunah Hmunhmeltha ah kan rawn nei leh ta a, Ran chi hrang hrang harsatna neite kan endik ang a, Sorkar Laipui ruahmanna anih avangin Damdawi hi a thlawnin kan pe vek dawn che u a ni, a ti.
Vawiin Animal Health Camp ah hian Ran chi hrang hrang 1324 an endik a, Heng Ran an endik atang hian Bawng 170 atangin 42 Pulhri danna pek an ni a, Vawk an en zawng zawng 151 niin, Vawk chhul 7 an laksak bawk a, heng bakah hian Lawi 20, Ar 864, Ui 55 zingah ARV hri danna 28 an pe a, Kel 17 an endik tel bawk a ni. Tin, Vawk Pulhri danna 57 an pe bawk ani. Hemi hmaa Tualchengah Free Animal Health Camp neih tawh ah Ran Sangkhat chuang Vaccine chi hrang hrang an lo pe tawh bawk a ni.
Vawiin a Hmunhmeltha khua a Free Animal Health Camp ah hian DVO bakah Doctor 4 leh Staff 14 te thawkchhuak in Champhai AH&Vety dept.a thawkte an kalkim vek a ni.
