Vawiin khan Zirtawp zan ruahsur nasa vanga che leh Kanan veng (Aizawl Road) lei tawlh chu Champhai DC Pu Lalengmawia IAS, chuan a hmunah kalin a enfiah.

Vawiin khan champhai District Bawrhsap Pu Lalengmawia IAS chuan Kanan veng leimin zirtawp zan ruahsur vang a che leh chu a hmunah kal in a enfiah a, Kanan veng leitawlh hi hun rei tak chhung chu che loin a awm tawh a, Zirtawp Zana ruahsur nasa vang khan he lai hmun hi a khik tan tirhna hmun Holy Angels School thlang Vengthlang nen an In rina bulah khik belh lehin, hmun thenkhatah chuan Feet 4 velin lei hi a tlakhniam belh leh a, helai hmun hi Metre 50 vela thui a a khik belh leh a ni.

Lei khikna bula chengte sawi danin Zirtawp zan ruahsur nasa vanga tuihawk luang chu tui hawk luankawrah leng loin kawngpui zawhin, lei khi tawh saah a luan luh vanga lei hi tawlh leh niin a sawi. He lei tawlh vang hian Kanan veng leh New Saron Veng in kal pawhna siam thar pawh motor eng chi mah kal tlang theih lohin a ping leh nghal bawk a ni.

Vawiin khan Tui luankawra leng lo danchah na leh Tui paihna tur siam nghal a ni a. Champhai DC hi PHE EE Pu Lalrammawia, SDO Sadar Pu Benjamin Lalzama leh Vengthlang VC ten an tawiawm a,  mumal zawka tui hawk side drain a luan luh tir dan tur te an enfiah a, lei tawlh zel tur venna atan hian Silpauline leh Rangva hmangin naktuk atang hian a khuh hna thawh tan nghal a ni ang.