No.7951/2020-2021

Dated Champhai, the 29th March, 2021: Champhai khawpui fai, mawi leh hrisel siam kawnga hmalakna kalzelah vawiin khan  Champhai khawpui chhunga Village Council hrang hrangte bultumin, Champhai khawpui tui tlan ber Tuipui leh a fintu kawrte thenfai hnatlang chu Pi Maria C.T. Zuali, Deputy Commissioner/Chairman, Clean, Beautiful & Healthy Champhai Committee hova neih a ni.

He hunah hian Plastic/Polythene leh hnawmhnawk hrang hrangte thenfai niin, Tuipui lui hnar heng;  Kanan Veng chhung tuiluan kawr, Dinthar Veng kai, New Champhai to Tuipui lei, Zote kai leh Keilungliah luite chu mawhphurtu tura ruat sawrkar officer leh veng hrang hrang atanga hnatlang a chhuak tlawmngai te'n a theih ang angin an thianfai a ni.

Khawpui thli leh hnawmhnawk chhek khawlna lui kawrte chu thenfai tuma theihtawp chhuah mek zel a ni a, fur ruahtlak hma ngeia theihtawp chhuaha thenfai hna kalpui chhunzawm zel tum a ni. Clean, Beautiful & Healthy Champhai Committee chuan Champhai khawpui fai, mawi leh hrisel siam tura tanlak kawngah khawtlang mipuite chu neitu nihna thinlung pu chunga thahnemngai taka  thawhhopuiah a sawm a ni.

Vawiin hnatlang kaltlanga hnawmhnawk thenfai theih bakte a tul leh remchan dan ang zela thawh chhunzawm zel tum a ni. He hunah hian faina kawnga hmasawn a tulziate tarlan niin, luipui hnara awm te'n bawlhhlawh sawngbawl leh paih danahte hmasawn tuma ngaihtuahna an sen a tul thute tarlan a ni bawk.