No.7950/2020-2021

Khawzawl, the 29th March, 2021: Pu Zothanmawia, Deputy Commissioner, Khawzawl District chuan District chhung khaw hrang hrang tlawh chhunzawmin, kar kalta Inrinni khan Dulte, Kawlkulh leh Kawlkulh North-te a tlawh.

Khawzawl Bawrhsapin khaw hrang hrang a tlawhna-ah hian Village Council member te'n lo tawiawm zelin, thingpui inho pahin khawtlang dinhmun tlangpui leh mamawhte, hmalak dante sawiho niin, hun hlimawm leh hlawkthlak tak an hmangho a ni. A tul angin khawchhung leh a chhehvela hmun pawimawhte a hmunah enin a tlawh bawk. 

Pu Zothanmawia hian tunhnaiah Khawzawl District-a khaw hrang hrang pakua a lo tlawh bawk a, khawtlang hruaitute nen inkawmna hun tha tak an lo nei tawh a ni. Deputy Commissioner-in hetianga an khua ngeia kalchilh a, inhawng taka an mamawh leh harsatna te hre tura a tlawh chhuak chu lawmawm an tih thu heng khaw hrang hranga khawtlang hruaitute chuan an sawi a ni.


Attachment

  • Loading attachment...