Vawiin chawhma khan Champhai Town Planning & Development Committee chuan an Chairman Parliamentary Secretary Pu TT Zothansanga hovin a vawi 7-na atan Champhai l&PR Conference Hall-ah thukhawmin, Champhai Draft Master Plan 2021 chu a thuphungin an pawmfel ta a ni.

Chairman Pu T.T. Zothansanga chuan Master Plan chu Champhai khaw than zelna atan leh an tu leh fate chenna tur hmun nuam leh tha siamna tur ruahmanna a nih angin, a kaihhnawih Department-te leh VCP-te chuan thahnemngai taka he Plan kalpui danah an tawiawmna a phut thu a sawi a, He Master Plan duan a nih atanga rawtna leh sawlhona hlawk thlak tak tak an lo neih tawhte chu lawmawm a tih thu a sawi bawk a. Champhai khaw tana thatna tur a nih chuan VC leh VC ramri (boundary) lamah buailo turin leh Department lam atang pawhin rawtna tha tak tak lut zel tura a beisei thu Pu T.T. Zothansanga hian a sawi bawk a ni.

He hunah hian Champhai DC charge la mektu Pu Zoengsanga chuan Master Plan kalpui kawngah a kaihhnawih Department leh VCP-ten anmahni tlin tawk theuhva inhriatthiamna nen an theihtawp an chhuah tlan a, an thawhho a ngaih thu a sawi a ni.

He hunah hian UD&PA Deputy Director (Town Planning) leh Champhal District Urban Development Officer Pi V. Lalmuanpuii bakah Department hrang hrang atangin Head of Office leh VCP leh an aiawhte an tel a. Member-te hian Master Plan chungchanga rawtna leh sawi duh an neih hrang hrangte sawihona hun hman a nih hnu ah pawmfel ta a ni. Champhai Master Plan 2021 hi vawiina pawm (approved) a nih hnu hian a duh tupawh tan rawtna thlen theih hun kar hnih (2) chhung hawn a ni.