Public Information Campaign, Press Information Bereau Government of India leh Mizoram sawrkar tangkawp buatsaih chu vawiin khan Mamit District a Tuidam khua-ah tan a ni a. Pu Lalrinmawia Ralte Minister Environtment & Forest, Labour etc. Bialtu MLA ni bawk chuan khuallian niin a hawng.

Pu Lalrinmawia Ralte Minister chuan thusawiin mipui vantlang hnena sawrkar hmalakna puanzarna hun buatsaih a ni chu lawmawm a tih thu a sawi a, Sawrkar laipui in hmasawnna tura hmachhawp a neihte mipuiten a kalhmang leh awmzia kan hriat loh hi sawrkarin a duh lova, Sawrkar laipui leh State sawrkar hmalakna leh dinhmun mipui vantlang ten kan hriat chuan hmasawnna a rualkhai anga, chu chuan eirukna tam tak pawh hi a ti bo thei dawn a ni, a ti a, chungte kan hriat theihna tura tan Public Information Campaign hi buatsaih a nih thu a sawi. Hmasawnna tur kawng hrang hrang sawrkar laipuiin a duante kim chang taka ngaihvena zirchiang turin mipuite a chah a ni.

Minister hian Photo Exhibition hawnna neiin Free Clinic a tlawh nghal a ni.

PIC ah hian Mipui vantlangte hnenah Prime Minister, Narendra Modi in “ Kan vaiin hmasawnna lamtluangah,” tih thupui hmanga hmalakna thar a duan hrang hrang Pradhan Mantri Jan Dhan Yojana (PMJDY), Saansad Adarsh Gram Yojana (SAGY), Swachh Bharat Abhiyan/Clean India Campaign, Make in India etc. te mipuite hnenah hrilhhriatna hun leh zirtirna neih thin a ni a. Heng bakah hian damlo te tan a thlawna in entirna leh Photo Exhibition te buatsaih a ni bawk.

Vawiin PIC hawnna hi Pu M.C. Lianmawia, Co-Nodal Officer, PIC, Mizoram in a kaihhruai a, chawhnu lamah Technical Session hniha thenin hun hman chhunzawm a ni. Song & Drama Division ten hun an hmang bawk, PIC ah hian Mamit atangin a kaihhnawih Department hrang hrang te an tel a ni. Campaign hi 31 (zirtawpni) ah khar a ni ang.

Attachment

  • Loading attachment...