Vawiin khan Champhai I&PR Auditorium-ah Champhai North leh South A/c huamchhunga BLO te chu Electoral Draft Roll buaipui dan tura zirtirna pek an ni a. He hun hi Pu Pachhunga, Champhai District Election Officer chuan kaihruai a ni.

Election Officer chuan BLO te chu inthlan thianghlim leh felfai neih theihna atan sul su tu pawimawh tak an nih thu leh, chu mi tur a zirtirna pek an nih thu a sawi a. Election Revision chu kan ram hruaitu te kan thlan theih nana thilpawimawh tak a nih thu sawiin, BLO te chu AERO te kawng kawhhmuhtu leh kaihhruaitu tur an nih thu leh dik tak leh huaisen taka an hna thawk theuh turin Pu Pachhunga chuan a sawm a ni.

Vawiin hunah hian Pu R. Zoremthara, BDO, AERO Champhai South leh Pi Lalhruaitluangi SDC, AERO Champhai North ten training an pe a. Champhai Champhai District chhung A/c pathum - 21-Lengteng A/c, 22-Tuichang A/c leh 25-East Tuipui A/c huamchhunga BLO te chu zirtirna pek an ni tawh a ni.