No.3162/2019-2020

Khawvel pumpui tibuai mektu Covid-19 hrileng laka ram a him theihna turin Champhai Police chuan theihtawp chhuaha hma la mek zelin, Police, Sawrkar Official leh Champhai district mipuite thawhhona tha tak zarah hmalakna te'n rah tha tak a chhuah mek avangin lawmthu a sawi a ni.

Hrileng mek laka kan him dawn chuan hmun dang atanga hri rawn pulut tur te'n an rawn putluh lohna tura hma lo lak chu thil pawimawh ber pakhat a nih avangin, Champhai district chhunga khualzin vei vak reng rengte chu anmahni nihna dik tak hriat theihna tur ‘Documents’, englai pawha endik theih tur keng zel turin a ngen a. Documents kenglo a veivak Police-te’n an nihna finfiahna tura thu zawhfiah emaw, an nihna tichiang tur document lak lehna tura chelh an nei anih pawhin kan zavaia himna duh vang a ti kan ni tih hria a, hrethiam turin mipuite a ngen a. Mipuite chu hetiang buaina tawh lohna turin an veivahna hmun apiangah mahni nihna (identity) tichiang thei tur document/identity card keng vek turin a ngen a ni.