2911/2024-2025

Champhai, 8th November 2024: Champhai SP Pu Shivendu Bhushan chuan thuchhuah siamin Ministry of Home Affairs, Govt of India-in Kendriya Grihmantri Dakshata Padak ((Union Home Minister Efficiency Medal) in Investigation dawng turin Champhai Police Station-a Sub Inspector Pi Liansangpuii an thlang tih a tarlang a. Champhai SP leh District Executive Force a a thawhpuite zawng zawngin Pi Liansangpuii chawimawina dawn hi an lawmpui thu leh a kal zelna turah duhsakna sang ber an hlan thu a hnuaia mi ang hian an tarlang a ni. 

31st October, 2024 khan Ministry of Home Affairs, Government of India chuan kum 2024 atan 'Kendriya Grihmantri Dakshata Padak' for the year 2024 (Union Home Minister Efficiency Medal) in Special Operation, Investigation leh Forensic Science chawimawina dawng tur a puang a. India ram a Investigating Officer tam tak zingah Mizoram atangin Champhai Police Station-a thawklai Sub-Inspector Pi Liansangpuii chu he chawimawina hlu tak Investigation field bik a dawng tura than a ni a. Hetiang chawimawina sang dawng tura Champhai Police station a thawk mek Sub-Inspector Liansangpuii than a ni hi Superintendent of Police Champhai DEF leh a thawhpui zawng zawng chuan kan lawmpuiin kan chhuang tak zet zet a ni. A kal leh zelna turah duhsakna sang ber kan hlan a ni.

DocScanner 7 Nov 2024 5-45 pm.pdf